ເຫລົ້າເຂົ້າຍີ່ປຸ່ນ ແມ່ນເຄື່ອງດື່ມທາດເຫຼົ້າ ຜະລິດຈາກການໝັກເຂົ້າທີ່ຖືກຂັດສີເມັດເຂົ້າ. ເຖິງຈະມີຊື່ເອີ້ນວ່າ ເຫຼົ້າເຂົ້າຍີ່ປຸ່ນ, ເຫຼົ້າຊາເກ ແລະ ຄວາມຈິງແລ້ວ ເຫຼົ້າເຂົ້າຂອງທຸກເຂດອາຊີຕາເວັນອອກ (ເຊັ່ນ ເຫຼົ້າ huangjiu ແລະ cheongju) ແມ່ນຜະລິດຈາກຂະບວນການຕົ້ມທີ່ຄ້າຍຄືກັບເບຍ ເຊິ່ງທາດແປ້ງຈະຖືກປ່ຽນເປັນນໍ້າຕານ ແລະຫມັກໃຫ້ກາຍເປັນທາດເຫລົ້າ, ໃນທາງກົງກັນຂ້າມ ທາດເຫຼົ້າໃນໄວນ໌ ແມ່ນເກີດມາຈາກການໝັກນໍ້າຕານທີ່ໄດ້ໂດຍທໍາມະຊາດຈາກໝາກອະງຸ່ນ.

ຂະບວນການຕົ້ມ ເຫຼົ້າຊາເກ ແຕກຕ່າງກັນກັບຂະບວນການຕົ້ມເບຍ ໂດຍການປ່ຽນຈາກທາດແປ້ງມາເປັນນ້ໍາຕານ ແລະ ຈາກນໍ້າຕານມາເປັນທາດເຫຼົ້າທີ່ເກີດຂຶ້ນໃນສອງຂັ້ນຕອນທີ່ແຕກຕ່າງກັນ. ເຊັ່ນດຽວກັບເຫຼົ້າເຂົ້າອື່ນໆ ຂະບວນການປ່ຽນໃຫ້ກາຍເປັນທາດເຫຼົ້າ ເຫລົ່ານີ້ຈະເກີດຂຶ້ນໃນເວລາດຽວກັນ. ປະລິມານທາດເຫຼົ້າ ລະຫວ່າງເຫຼົ້າຊາເກ, ໄວນ໌ ແລະ ເບຍ ແມ່ນມີຄວາມແຕກຕ່າງກັນ. ປະລິມານທາດເຫຼົ້າ ສ່ວນໃຫຍ່ຂອງເບຍແມ່ນ 3-9%, ໄວນ໌ 9-16%, ແລະ ເຫຼົ້າຊາເກ 18-20% (ອາດຈະຕ່ໍາກວ່າ ປະມານ 15% ໂດຍການເຈືອຈາງດ້ວຍນໍ້າ ກ່ອນການບັນຈຸໃສ່ຂວດ).

ເຫຼົ້າຊາເກ ຈະຖືກນໍາໄປເຮັດໃຫ້ອຸ່ນໃນຂວດດິນເຜົານ້ອຍ ແລະ ເສີບໃສ່ຈອກດິນເຜົານ້ອຍ ທີ່ເອີ້ນວ່າ ຊາຄາຊູກິ (sakazuki) ແນະນໍາໃຫ້ຄ່ອຍໆຈິບດື່ມຄືກັບການດື່ມໄວນ໌. ອຸນຫະພູມແນະນຳໃຫ້ດື່ມ ແມ່ນແຕກຕ່າງກັນໄປຕາມແຕ່ລະປະເພດຂອງເຫຼົ້າຊາເກ.