ສຳລັບເຫລົ້າທີ່ຈະຖືກພິຈາລະນາເປັນຈິນ, ຕ້ອງມີ juniper ເປັນສ່ວນປະກອບຫລັກ. ການຜະລິດເຫລົ້າຈິນບໍ່ໄດ້ມີກົດລະບຽບຄຸ້ມຄອງທາງກົດຫມາຍ; ຈິນສາມາດຜະລິດໄດ້ທົ່ວທຸກແຫ່ງ ໃນຮູບແບບ ລົດຊາດທີ່ແຕກຕ່າງຂຶ້ນກັບຊະນິດພືດ (ນອກຈາກ juniper) ທີ່ໃຊ້ໃນການກັ່ນ, ລວມທັງປະລິມານນໍ້າຕານ ແລະ ຜົນລັບຂອງລົດຊາດ. ນອກຈາກນັ້ນ, ຈິນຍັງສາມາດແຕ່ງກິ່ນດ້ວຍພືດ, ສະຫມູນໄພ, ເຄື່ອງເທດ, ດອກໄມ້ ຫລື ຫມາກໄມ້ ຫລື ການປະສົມປະສານກັນຂອງສ່ວນປະສົມທີ່ໄດ້ກວ່າມາ.
LONDON DRY GIN ເປັນຈິນທີ່ນິຍົມກັນໃນປະເທດອັງກິດ ມາຕັ້ງແຕ່ສະໄໝສັດຕະວັດທີ 19. London Dry Gin ມີສີໃສ, ມີລົດຊາດທີ່ບາງໃສ, ໃຫ້ຄວາມຮູ້ສຶກແຫ້ງໆຫຼັງດື່ມ, ເດັ່ນດ້ວຍກິ່ນຫອມຂອງ juniper. London Dry Gin ເປັນຫນຶ່ງໃນປະເພດເຫລົ້າຈິນທີ່ໂດ່ງດັງ ແລະ ເປັນທີ່ຮູ້ຈັກກັນດີໃນການໃຊ້ເຮັດເມນູຄ໋ອກເທລ ມາຕິນີ (martini)
SLOE GIN ມີສີແດງອົມມ້ວງ ເຖິງຈະມີເຫລົ້າຈິນເປັນສ່ວນປະສົມຫລັກ ແຕ່ sloe gin ບໍ່ມີລົດຊາດທີ່ຄ້າຍຄືເຫລົ້າຈິນເລີຍ. Sloe gin ແມ່ນ gin-based liqueur ທີ່ໄດ້ມາຈາກການເອົາຄວາມຫວານຂອງຫມາກໄມ້ຊະນິດຫນຶ່ງທີ່ເອີ້ນວ່າ sloe plums ມາຫມັກແຊ່ໃສ່ກັບເຫລົ້າຈິນ ເຮັດໃຫ້ໄດ້ເຫລົ້າລີເຄີ (liqueur) ທີ່ມີລົດຊາດຫອມ, ຫວານ, ອົມສົ້ມ ແລະ ມີປະລິມານທາດເຫລົ້າທີ່ຕ່ຳກວ່າເຫລົ້າຈິນ ທົ່ວໄປ. ເປັນທີ່ຮູ້ຈັກກັນດີ ໃນການໃຊ້ເຫລົ້ານີ້ໃນຄ໋ອກເທລ Sloe Gin Fizz, ເຫລົ້າ Sloe Gin ຍັງສາມາດໃຊ້ແທນລີເຄີຫມາກໄມ້ (fruit liqueur) ໃດກໍ່ໄດ້ ໂດຍສະເພາະໃນເມນູຄ໋ອກເທລ ທີ່ມີເຫລົ້າ base ເປັນ champagne ຫລື cobblers.
AMERICAN ປະເທດອາເມລິການໄດ້ເຮັດ craft gin ຂອງເຂົາ ເຊິ່ງຈະເນັ້ນລົດຊາດອອກໄປທາງຫມາກໄມ້ຕະກູນສົ້ມ ໄປຈົນເຖິງກິ່ນຜິກໄທ ແລະ ດອກໄມ້. “Navy-strength” ເປັນຈິນທີ່ມີປະລິມານທາດເຫລົ້າສູງເຖິງ 60% ແລະ ກຳລັງເປັນທີ່ນິຍົມໃນປະຈຸບັນນີ້.
PLYMOUTH ຖືກກຳນົດຊື່ໂດຍແຫລ່ງກຳເນີດ: Plymouth, ອັງກິດ. ມີລົດຊາດທີ່ຄ້າຍຄຽງກັບ London dry gin (ສາມາດນຳໃຊ້ທົດແທນກັນໄດ້), Plymouth ມີເນື້ອທີ່ແຫນ້ນ ແລະ ມີກິ່ນປະສົມຂອງອາຍດິນ (earthy botanist mix) ຫລາຍກວ່າ London dry. ແນະນໍາໃຫ້ໃຊ້ Plymouth ຖ້າທ່ານຕ້ອງການເພີ່ມ texture ທີ່ສະຫລັບຊັບຊ້ອນໃຫ້ເມນູເຄື່ອງດື່ມນັ້ນ.
OLD TOM GIN ມີລົດຫວານເລັກນ້ອຍ, ພ້ອມໃຫ້ສຳພັດລົດຊາດຂອງມອລທ໌ (malt), ເປັນປະເພດທີ່ເມື່ອກ່ອນຖືກຫ້າມ ທີ່ມີລົດຊາດນອນຢູ່ລະຫວ່າງກາງ Genever ແລະ London dry. ໃນຍຸກກ່ອນບັນດານັກປຸງເຫລົ້າ (bartenders) ມັກໃຊ້ເຂົ້າມາໃນການເຮັດຄ໋ອກເທລສູດດັ່ງເດີມ ໂດຍສະເພາະແມ່ນ Martinez.
GENEVER ຖືກຜະລິດຂຶ້ນໃນສັດຕະວັດທີ 16 ກ່ອນທີ່ຈະມີເຫລົ້າຈິນ, ມີແຫລ່ງກຳເນີດມາຈາກປະເທດໂຮນລັງ (Holland). Genever ຜະລິດມາຈາກເມັດທັນຍະພືດ (malted-grain), ກິ່ນກໍບໍ່ມີຄວາມຫອມໂດດເດັ່ນ ຄືກັບເຫລົ້າຈິນທີ່ພວກເຮົາຮູ້ກັນໃນປະຈຸບັນ ນອກຈາກລົດຊາດທີ່ຊາບຊ້າ.
