ຄວາມແຕກຕ່າງລະຫວ່າງເຫຼົ້າທີ່ຖືກສະກົດ Whiskey ແລະ Whisky? ເຫຼົ້າສະກ໋ອດ (Scotch), ເຫຼົ້າເບີເບີນ (Bourbon) ແລະ ເຫຼົ້າຣາຍ Rye ຕ່າງກັນແນວໃດ?
ທ່ານເຄີຍສົງໃສບໍ່ວ່າເປັນຫຍັງຄໍາວ່າ ເຫຼົ້າວິສກີ້ ໃນພາສາອັງກິດຈິ່ງຖືກສະກົດເປັນສອງແບບ "Whiskey" ແລະ "Whisky" ມັນບໍ່ແມ່ນຍ້ອນຄວາມຜິດພາດ ຫຼື ການສະກົດຜິດ. ໂດຍທົ່ວໄປແລ້ວມັນຖືກສະກົດເປັນ “whiskey”—ທີ່ມີອັກສອນ “e”—ຢູ່ໃນສະຫະລັດອາເມລິກາ ແລະ ໄອຣ໌ແລນ. ຖືກສະກົດ “whisky”—ບໍ່ມີອັກສອນ e—ຢູ່ປະເທດສະກ໋ອດແລນ, ຍີ່ປຸ່ນ ແລະ ແຄນນາດາ, ເຊິ່ງເຫຼົ້າ whisk(e)y ຂອງປະເທດເຫຼົ່ານີ້ກໍເປັນທີ່ຮູ້ຈັກກັນດີ ແລະ ຍັງມີອີກຫຼາຍປະເທດທີ່ສະກົດແບບນີ້.
ນີ້ແມ່ນ ເຫຼົ້າວິສກີ້ 6 ປະເພດທີ່ທ່ານຕ້ອງຮູ້ຈັກ.
ເຫຼົ້າສະກ໋ອດວິສກີ້ (Scotch whisky) ໂດຍທົ່ວໄປແມ່ນຜະລິດຈາກເຂົ້າມອລບາເລ ແລະ ເມັດທັນຍະພືດ ເຊິ່ງເຫຼົ້າທີ່ຕ້ອງບົ່ມໃນຖັງໄມ້ໂອກເປັນເວລາຫຼາຍກວ່າສາມປີ, ຕ້ອງຜະລິດຢູ່ໃນ Scotland. ເຫຼົ້າສະກ໋ອດວິສກີ້ ແບ່ງອອກເປັນ 5 ປະເພດທີ່ແຕກຕ່າງກັນ ເຊິ່ງປະກອບມີ single malt, single grain, blended malt, blended grain ແລະ blended scotch whisky. ເຫຼົ້າສະກ໋ອດວິສກີ້ ມີລົດຊາດທີ່ມີກິ່ນອາຍດິນ ກິ່ນຫຍ້າຊຸ່ມໆ (earthy) ແລະ ມີກິ່ນລົມຄວັນ (smoky).
ເຫຼົ້າໄອລີສວິສກີ້ (Irish whiskey) ແມ່ນຜະລິດຢູ່ປະເທດໄອຣ໌ແລນ ເຫຼົ້າໄອລີສວີສກີ້ແຕກຕ່າງຈາກເຫຼົ້າສະກ໋ອດວິສກີ້ບ່ອນທີ່ສາມາດໃຊ້ທັນຍະພືດໃນສັດສ່ວນໃດກໍໄດ້ ແຕ່ຈໍາເປັນຕ້ອງບົ່ມໃນຖັງໄມ້ເປັນເວລາຢ່າງໜ້ອຍສາມປີເຊັ່ນດຽວກັນກັບເຫຼົ້າສະກ໋ອດວິສກີ້. ເຫຼົ້າໄອຣີສວິສກີ້ ມີຄວາມລົດນຸ່ມນວນຫລັງດື່ມ ເມື່ອທຽບໃສ່ເຫຼົ້າສະກ໋ອດວິສກີ້.
ເຫຼົ້າເບີເບີນ (Bourbon) ແມ່ນເຫຼົ້າກັ່ນຂອງປະເທດອາເມລິກາ ຕ້ອງຜະລິດຈາກເຂົ້າສາລີຢ່າງໜ້ອຍ 51 ເປີເຊັນ ແລະ ບົ່ມໃນຖັງໄມ້ໂອກທີ່ຜ່ານການເຜົາ ແລະ ບໍ່ແຕ່ງສີ ຫຼື ລົດຊາດ. ເຫຼົ້າເບີເບີນ ມີລົດຊາດຫວານເລັກນ້ອຍ, ຍັງມີກິ່ນອາຍຂອງລົມຄວັນ/ກິ່ນເຜົາໄໝ້ ແລະ ມີສີທີ່ອອກໂທນອົມແດງເນື່ອງຈາກໝັກຢູ່ໃນຖັງໄມ້ທີ່ເຜົາໄຟ. ມີລົດນຸ່ມນວນ ແລະ ດື່ມງ່າຍກວ່າປະເພດເຫຼົ້າວິສກີ້ອື່ນໆ, ເຫຼົ້າເບີເບີນ ມີກິ່ນ ແລະ ລົດຊາດຂອງວານິລາ, ໄມ້ໂອກ, ໝາກໄມ້, ເຄື່ອງເທດ ແລະ ນໍ້າເຜິ້ງ. ໂດຍລວມແມ່ນມີລົດຊາດທີ່ບາງເບົາ ແລະ ຊັບຊ້ອນ, ແຕ່ບໍ່ເຖິງຂັ້ນເຂັ້ມຂຸ້ນຈົນເກີນໄປ ຈິ່ງເຮັດໃຫ້ເຫຼົ້າເບີເບີນ ເປັນເຫຼົ້າທີ່ດື່ມງ່າຍ.
ເຫຼົ້າເທັນເນສຊີ ວິສກີ້ (Tennessee whiskey) ແມ່ນເຫຼົ້າປະເພດໜຶ່ງທີ່ຜະລິດຢູ່ເມືອງ Tennessee ຂອງສະຫະລັດອາເມລິກາ ຄວາມແຕກຕ່າງລະຫວ່າງເຫຼົ້າເທັນເນສຊີວິສກີ້ ແລະ ເຫຼົ້າເບີເບີນ (Bourbon) ແມ່ນຢູ່ທີ່ກໍາມະວິທີໃນການກັ່ນຕອງ. ເຫຼົ້າເທັນເນສຊີວິສກີ້ ແມ່ນຕ້ອງສະກັດສີ ແລະ ລົດຊາດອອກຈາກທັນຍະພືດ (steep) ໃນຖ່ານ ກ່ອນບັນຈຸເຂົ້າໄປໃນຖັງ ເພື່ອໝັກ.
ເຫຼົ້າໄຣວິສກີ້ (Rye whiskey) ແມ່ນຜະລິດເບື້ອງຕົ້ນຢູ່ໃນອາເມລິກາເໜືອ ໂດຍໃຊ້ເຂົ້າໄຣຢ່າງໜ້ອຍ 51 ເປີເຊັນ ແລະ ບົ່ມໃນຖັງທີ່ຜ່ານການເຜົາໄໝ້ ເປັນເວລາຢ່າງໜ້ອຍສອງປີ. Rye ແມ່ນປະເພດເຂົ້າທີ່ເປັນຕະກຸນດຽວກັນກັບເຂົ້າສາລີ. ເຫຼົ້າໄຣ ມີກິ່ນຫອມອ່ອນໆຂອງໝາກໄມ້ ແລະ ມີລົດຊາດຮືນ ເໝາະສຳລັບການເອົາມາປະສົມເຮັດເມນູ ຄ໋ອກເທລທີ່ເປັນວິສກີ້.
ເຫຼົ້າວິສກີ້ຍີ່ປຸ່ນ(Japanese Whisky) ແມ່ນເຫຼົ້າທີ່ຜະລິດຢູ່ໃນປະເທດຍີ່ປຸ່ນ, ກໍາມະວິທີໃນການເຫຼົ້າຂອງຢີ່ປຸ່ນກໍຄືກັນກັບການຂະບວນການຜະລິດເຫຼົ້າສະກ໋ອດວິສກີ້ ແຕ່ໃຊ້ເຂົ້າມອລທ໌ບາເລ. ເຫຼົ້າວີສກີ້ຂອງຢີ່ປຸ່ນຈະມີລົດຊາດແຫ້ງ ແລະ ມີກິ່ນໄໝ້/ລົມຄວັນ (smoky). ມີພຽງສອງປະເພດຄື ເຫຼົ້າຊິງໂກມອລທ໌ ຫຼື ເຫຼົ້າມອລທ໌ປະສົມ.
