ເຫຼົ້າເບີເບີນ (Bourbon) ແມ່ນເຫຼົ້າກັ່ນຂອງປະເທດອາເມລິກາ ຕ້ອງຜະລິດຈາກເຂົ້າສາລີຢ່າງໜ້ອຍ 51 ເປີເຊັນ ແລະ ບົ່ມໃນຖັງໄມ້ໂອກທີ່ຜ່ານການເຜົາໄໝ້ ແລະ ບໍ່ແຕ່ງສີ ຫຼື ລົດຊາດ. ເຫຼົ້າເບີເບີນ ມີລົດຊາດຫວານເລັກນ້ອຍ, ຍັງມີກິ່ນອາຍຂອງການລົມຄວັນ/ກິ່ນເຜົາໄໝ້  ແລະ ມີສີທີ່ອອກໂທນອົມແດງເນື່ອງຈາກໝັກຢູ່ໃນຖັງໄມ້ທີ່ເຜົາໄຟ. ມີລົດນຸ່ມນວນ ແລະ ດື່ມງ່າຍກວ່າປະເພດເຫຼົ້າວິສກີ້ອື່ນໆ, ເຫຼົ້າເບີເບີນ ມີກິ່ນ ແລະ ລົດຊາດຂອງວານິລາ, ໄມ້ໂອກ, ໝາກໄມ້, ເຄື່ອງເທດ ແລະ ນໍ້າເຜິ້ງ. ໂດຍລວມແມ່ນມີລົດຊາດທີ່ບາງເບົາ ແລະ ຊັບຊ້ອນ, ແຕ່ບໍ່ເຖິງຂັ້ນເຂັ້ມຂຸ້ນຈົນເກີນໄປ ຈິ່ງເຮັດໃຫ້ເຫຼົ້າເບີເບີນ ເປັນເຫຼົ້າທີ່ດື່ມງ່າຍ.

ເຫຼົ້າເທັນເນສຊີ ວິສກີ້ (Tennessee whiskey) ແມ່ນເຫຼົ້າປະເພດໜຶ່ງທີ່ຜະລິດຢູ່ແຂວງ Tennessee ຂອງສະຫະລັດອາເມລິກາ ຄວາມແຕກຕ່າງລະຫວ່າງເຫຼົ້າເທັນເນສຊີວິສກີ້ ແລະ ເຫຼົ້າເບີເບີນ (Bourbon) ແມ່ນຢູ່ທີ່ກໍາມະວິທີໃນການກັ່ນຕອງ. ເຫຼົ້າເທັນເນສຊີວິສກີ້ ແມ່ນຕ້ອງສະກັດສີ ແລະ ລົດຊາດອອກຈາກທັນຍະພືດ ​ໂດຍ​ກຳ​ມະ​ວິ​ທີ​ທີ່​ເອີ້ນ​ວ່າ "steep" ໃນຖ່ານ ກ່ອນບັນຈຸເຂົ້າໄປໃນຖັງ ເພື່ອໝັກ.

ເຫຼົ້າໄຣວິສກີ້ (Rye whiskey) ແມ່ນຜະລິດເບື້ອງຕົ້ນຢູ່ໃນອາເມລິກາເໜືອ ໂດຍໃຊ້ເຂົ້າໄຣຢ່າງໜ້ອຍ 51 ເປີເຊັນ, ບົ່ມໃນຖັງທີ່ຜ່ານການເຜົາໄໝ້ ແລະ ໃຊ້ເວລາໃນການບົ່ມຢ່າງໜ້ອຍ 2ປີ. ເຂົ້າໄຣ (rye) ແມ່ນຈັດ​ຢູ່​ໃນປະເພດເຂົ້າທີ່ເປັນຕະກຸນດຽວກັນກັບເຂົ້າສາລີ. ເຫຼົ້າໄຣວິສກີ້ ມີກິ່ນຫອມອ່ອນໆຂອງໝາກໄມ້ ມີລົດຊາດ​ຝາດ ແລະ ຮືນ ທີ່ເປັນ​ເອ​ກະ​ລັກ​​ເດັ່ນສະ​ເພາະ​ຂອງ​ເຫລົ້າທີ່​ເຮັດ​ມາ​ຈາກ rye ເໝາະສຳລັບການເອົາມາປະສົມເຮັດເມນູ ຄ໋ອກເທລທີ່ເປັນວິສກີ້.