ເວີມູດທ໌ ເປັນທີ່ຮູ້ຈັກດີໃນນາມ ອະໂຣມາທາຍສ໌ໄວນ໌ (aromatized wine) ມີທັງຫມົດ 3 ລົດຊາດຄື: ເວີມູດທ໌ແດງ (ຫວານ), ເວີມູດທ໌ຂາວ ແລະ ເວີມູດທ໌ດຣາຍ (ແຫ້ງ)

ບິດເທີ ແມ່ນການຜະສົມທາດເຫລົ້າທີ່ສູງ ກັບສະຫມູນໄພ, ເຄື່ອງເທດ, ຮາກໄມ້ ແລະ ສ່ວນຜະສົມອື່ນໆ. ບິດເທີ ມີຄວາມເຂັ້ມຂົ້ນສູງ ແລະ ມີລົດຂົມ ເຊິ່ງສ່ວນໃຫຍ່ນິຍົມໃຊ້ໃນການປຸງແຕ່ງເພື່ອເພີ່ມລົດຊາດທີ່ດີໃຫ້ເຄື່ອງດື່ມປະສົມຄ໋ອກເທລ.

ປາສຕີສ໌ ແມ່ນລີເຄີທີ່ໂດ່ງດັງຂອງປະເທດຝຣັ່ງ ສາມາດຜະລິດຈາກສະຫມູນໄພ ແລະ ເຄື່ອງເທດຫລາຍໂຕ. ເວົ້າລວມປາສຕີສ໌ ຈະຕ້ອງຄົງມີລົດຊາດທີ່ເດັ່ນ ແລະ ຊັດເຈນຂອງ anise ແລະ licorice. ນິຍົມດື່ມກ່ອນຮັບປະທານອາຫານ ໂດຍການເຈືອຈາງກັບນໍ້າ ໃນອັດຕາສ່ວນ 1:5 ຄື ປາສຕີສ໌ 1ສ່ວນ ຕາມດ້ວຍ ນໍ້າ 5ສ່ວນ. ສ່ວນປະສົມບາງຢ່າງຂອງລີເຄີນີ້ບໍ່ລະລາຍນໍ້າ ຈິ່ງເຮັດໃຫ້ຫລັງປະສົມນໍ້າໃສ່ຈະເຮັດໃຫ້ ປາສຕີສ໌ ປ່ຽນຈາກນໍ້າສີໃສ ກາຍເປັນສີເຫລືອງຂຸ້ນ.