ເຫຼົ້າຄອນຍັກ (Cognac) ແລະ ເຫຼົ້າອາມາຍັກ (Armagnac) ທັງສອງປະເພດແມ່ນຈັດຢູ່ໃນໝວດ ເຫຼົ້າບຣັ່ນດີ. ຄວາມແຕກຕ່າງທີ່ສຳຄັນລະຫວ່າງເຫຼົ້າສອງປະເພດນີ້ແມ່ນ ສະຖານທີ່ ຜະລິດ. ມີພຽງແຕ່ ບຣັ່ນດີ ທີ່ຜະລິດຢູ່ໃນຂົງເຂດ Cognac ເທົ່ານັ້ນ ທີ່ສາມາດເອີ້ນວ່າ ເຫຼົ້າຄອນຍັກ ໄດ້, ໃນຂະນະທີ່ ເຫຼົ້າອາມາຍັກ ຕ້ອງຜະລິດມາຈາກເຂດ Armagnac ໃນເມືອງ Gascony, ທິດຕາເວັນຕົກສຽງໃຕ້ຂອງປະເທດຝຣັ່ງ. ນອກຈາກ ສະຖານທີ່ຜະລິດແລ້ວ, ກໍແມ່ນຂະບວນການທີ່ເປັນອັນສະເພາະຂອງການຜະລິດ ທີ່ຈໍາແນກຄວາມແຕກຕ່າງລະຫວ່າງເຫຼົ້າທັງສອງປະເພດນີ້.
Cognac ເກືອບທັງໝົດແມ່ນຜະລິດຈາກແນວພັນອະງຸ່ນຂາວ ທີ່ມີຊື່ວ່າ Ugni Blanc (Trebbiano). ໝາກອະງຸ່ນຊະນິດດຽວກັນນີ້ ຍັງໃຊ້ຜະລິດ Armagnac ແລະ ສຸດທ້າຍ ເມື່ອເວົ້າເຖິງລົດຊາດ, Cognac ມີລົດຊາດກົມກ່ອມ, ນຸ້ມນວນ ແລະ ຕ້ອງມີທາດເຫຼົ້າ ຢ່າງໜ້ອຍ 40%, ໃນຂະນະທີ່ Armagnac ມີລົດຊາດທີ່ສະຫຼັບຊັບຊ້ອນ, ເຂັ້ມຂຸ້ນກວ່າ ແລະ ມີປະລິມານທາດເຫຼົ້າທີ່ສູງກວ່າຄື ລະຫວ່າງ 46 ຫາ 48%.
ຄວາມຫມາຍສັນຍາລັກທີ່ບົ່ງບອກອາຍຸຂອງເຫລົ້າ
VS (Very Special) - ຕ້ອງມີອາຍຸບໍ່ຫລຸດ 2 ປີ. ເຫລົ້າລຸ້ນ VS ສ່ວນຫຼາຍແມ່ນຖືກຜະລິດອອກມາສໍາລັບດື່ມແບບປະສົມນໍາ (ໂທນິກ ຫລື ນໍ້າຈິງເຈິເອລ) ຫລື ໃຊ້ເປັນສ່ວນປະສົມຂອງຄ໋ອກເທລ ຫລື ໃນເວລາທີ່ຕ້ອງໄດ້ໃຊ້ເຫລົ້າບຣັ່ນດີ ເຂົ້າໃນການປຸງແຕ່ງອາຫານ ກໍຈະແນະນໍາໃຫ້ໃຊ້ເຫລົ້າລຸ້ນ VS.
VSOP (Very Superior Old Pale) - ຕ້ອງມີອາຍຸຢ່າງໜ້ອຍ 4 ປີຂຶ້ນໄປ. VSOP ສາມາດດື່ມໄດ້ແບບພຽວໆ ຫລື ໃຊ້ເປັນສ່ວນປະສົມໃນການເຮັດ ຄ໋ອກເທລ ຫລື ເຄື່ອງດື່ມແບບ long drink.
XO (Extra Old) ຫລື ສະຫລາກຂອງຂວດເຫລົ້າທີ່ຂຽນວ່າ "Napoléon", "Extra" ແລະ 'Hors d’ge' ແມ່ນຕ້ອງມີອາຍຸ 6 ຫາ 10 ປີ. ເຫລົ້າລຸ້ນນີ້ຈະແນະນໍາໃຫ້ດື່ມແບບພຽວໆ ຫລື ໃສ່ນໍ້າກ້ອນ (on the rock) ເພື່ອເພີ່ມລົດຊາດ ແລະ ກິ່ນຫອມຂອງເຫຼົ້າ.
